. Informed . Opinions .

December 12, 2005

Har Pal Badalte Hain

Filed under: Sojourn — Tags: — Raja @ 10:29 AM
[This post is NOT written by me, but is a response to another post in this blog tagged as ‘Sojourn’.]
.
Zindagi jab bhi teri bazm mein laati hai hamein

Ye zamin chand se behatar nazar aati hai hamein

Yaad teri kabhi dastak kabhi saragoshi se

Raat ke pichhale prahar roz jagaati hai hamein

.
Har pal badalte hain khayaal bhi, baadlon ki tarah!
 
Ek pal lagta hai, saare gile-shikwe bhool ke ek baar phir mil loon tumse. Ek baar to woh chehra dekh loon, jo har raat chaand ban ke mere saath rahta hai, hazaaron taaron bhare paigaam har roz bhejta hai. Woh aawaz, jo parvaton se takra kar goonj ki tarah mere paas laut aati hai, bas ek baar aur sun loon. Mujhe chhodna hi tha, to apni yeh nishaaniyaan to saath liye jaate.
Kal shaam tumhare ghar ke saamne se guzarte hue laga, jaise tumhari hansi suni ho. Khud apne hi kadmon ko rokna itna mushkil hoga, tab samajh mein aaya.
Kyun kiya tumne aisa? Dharti bina aakaash ke kaisi ho sakti hai, kabhie socha hai?
Bas ek baar tumse mil loon, ek baar…
Har pal badalte hain khayaal bhi, baadlon ki tarah!
Doosre hi pal yaad aata hai, main agar apna saara abhimaan chhod kar aa bhi jaaun tumhare paas, kya sab kuchh vaisa hi ho jaayega? Kya kuchh bhi vaisa ho paayega?
Log kahte hain mere baare mein, ki yeh kabhie jhukti nahin. Taiyaar hoon main jhukne ko, kuchh bhi karne ko – par kisliye? Jisse phir se wohi kahaani dohraao tum?
Maan lo main koi aisa bharam na bhi paaloon, to bhi kya tumhe dekhne ke baad main tumhe phir bhula paaungi? Yeh deewaar, jo saalon mehnat karke khadii ki hai, use itni aasaani se toot jaane doon kya? Tum to chale jaaoge, peechhe yaadon ki ek sugaat chhod jaaoge – usko phenk paaungi kya main?

Har pal badalte hain khayaal bhi, baadalon ki tarah!

Ranjish hi sahii, dil hi dukhaane ke liye aa

Aa phir se mujhe chhod ke jaane ke liye aa

Jaise tumhe aate hain na aane ke bahaane

Aise hi kisi roz na jaane ke liye aa

Ab tak dil-e-khushfahem ko hain tujhse ummeedein

Yeh aakhiri shamein bhi, bujhaane ke liye aa

Ek umr se hoon lazzat-e-giriya se bhi mahroom

Aye raahat-e-jaan mujhko rulaane ke liye aa

Kuchh to mere pindaar-e-mohabbat ka bharam rakh

Tu bhi to kabhie, mujhko manaane ke liye aa

.

Advertisements

1 Comment »

  1. ….. painful…

    Comment by Sushmita — December 13, 2008 @ 1:26 AM


RSS feed for comments on this post. TrackBack URI

Please share your opinion

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: